Minski elektramancior pieravioŭ pieradapłatu prastytutcy, ale ŭ vyniku zastaŭsia i biez kachańnia, i biez hrošaj
U Minsku zaviali kryminalnuju spravu pa fakcie machlarstva. Jaje akaličnaści «Minsk-Navinam» raspaviała pres-sakratarka SK Jułija Hančarova.
25.11.2021 / 18:17
37-hadovy elektramancior zachacieŭ skarystacca seks-pasłuhami i znajšoŭ abjavu ŭ internecie. Kandydatura, jakaja jamu padałasia pryvabnaj, pa telefonie nazvała tolki adras doma i skazała, što sustrenie jaho paśla taho, jak kłijent pieraviadzie hrošy na kartku. Kali minčuk užo byŭ pad padjezdam, jamu pryjšli ŭ paviedamleńni rekvizity kartki, na jakuju toj adpraviŭ 85 rubloŭ.
Adnak žryca kachańnia skazała, što mužčyna niaŭvažliva pračytaŭ abjavu i treba pieravieści 500 rubloŭ pieradapłaty, jakaja paśla vierniecca. U minčuka było tolki 225 rubloŭ, jakija jon taksama pieravioŭ. Ale da jaho tak nichto i nie vyjšaŭ. Nie atrymaŭšy žadanaha, elektramancior źviarnuŭsia ŭ milicyju.
Pakul apieratyŭniki vyśvietlili tolki, što hrošy pieravodzilisia na kartku rasijskaha banka.