На адной з шахтаў у Расеі загінулі 52 чалавекі
Па папярэдніх дадзеных, ахвярамі аварыі на шахце «Лісцвяжная» ў Кузбасе сталі 52 чалавекі, у тым ліку шасцёра ратавальнікаў, паведаміў РІА «Новости» прадстаўнік экстраных службаў.
25.11.2021 / 22:30
Як паведамляецца, прычынай трагедыі стаў выбух метану, выкліканы іскрай, і дынамічны ўдар, які траўмаваў гарнякоў.
Следчыя затрымалі 47-гадовага дырэктара шахты, яго 59-гадовага першага намесніка і 36-гадовага начальніка ўчастка, гаворыцца на сайце СК Расіі.
«Выяўлена, што затрыманыя дапусцілі парушэнне патрабаванняў прамысловай бяспекі небяспечных вытворчых аб'ектаў. У выніку адбылася газадынамічная з'ява. Пачалося задымленне вентыляцыйнага штрэка ўчастка №4, у выніку чаго рабочыя, якія знаходзіліся ў вырабатцы, задыхнуліся», — пазначана ў паведамленні.