У Еўропе заявілі аб высокай ступені рызыкі з-за новага штама каранавіруса. Ён дабраўся да Нямеччыны і Чэхіі
Еўрапейскі цэнтр прафілактыкі і кантролю захворванняў (ECDC) заявіў аб высокай ступені рызыкі з-за новага небяспечнага штама каранавіруса, які быў выяўлены ў ПАР і атрымаў назву па грэчаскай літары «амікрон».
27.11.2021 / 14:44
Globallookpress.com
У дакладзе цэнтра адзначаецца небяспека штама для краін Еўропы і Еўрапейскай эканамічнай прасторы, уключаючы Ісландыю, Нарвегію і Ліхтэнштэйн.
«Агульны ўзровень рызыкі, звязанай з варыянтам Omicron SARS-CoV-2, ацэньваецца ад высокага да вельмі высокага», — адзначана ў дакуменце.
Новы вірус дабраўся да Нямеччыны. Меркавана, афрыканскім штамам інфікаваны нямецкі грамадзянін, які нядаўна вярнуўся з паездкі ў ПАР. Паведамленне пацвердзіў міністр па сацыяльных пытаннях зямлі Гесэн Кай Клозэ.
Таксама вірус выяўлены ў жыхаркі Чэхіі, што вярнулася з Егіпта.
Учора паведамлялася пра выяўленне віруса ў Бельгіі, там аказаўся інфікаваным чалавек, што вярнуўся з ПАР.