MZS Rasii: Ukraina adpraviła 125 tysiač vajskoŭcaŭ u rajon Danbasa
Kijeŭ ściahnuŭ u rajon kanfliktu na Danbasie 125 tysiač vajskoŭcaŭ, heta pałova kolkaści ŭkrainskich uzbrojenych sił. Pra heta na bryfinhu zajaviła aficyjny pradstaŭnik MZS Maryja Zacharava, piša RBK.
01.12.2021 / 11:21
«Uzbrojenyja siły Ukrainy naroščvajuć siły, ściahvajuć ciažkuju techniku, asabisty skład. Pavodle niekatorych źviestak, kolkaść hrupoŭki vojskaŭ Ukrainy ŭ zonie kanfliktu ŭžo dasiahaje 125 tysiač čałaviek, a heta pałova ŭsiaho składu Uzbrojenych sił Ukrainy», — skazała pradstaŭnica MZS.
Pa jaje słovach, u apošnija tydni ŭsio čaściej fiksujucca pierastrełki pamiž ukrainskimi vajskoŭcami i ŭzbrojenymi farmavańniami asobnych rajonaŭ Danieckaj i Łuhanskaj abłaściej Ukrainy. Zacharava zajaviła, što śpiecyjalnaja manitorynhavaja misija ABSIE adznačaje parušeńni režymu spynieńnia ahniu nie tolki ŭ asobnych kropkach, ale i pa ŭsioj linii sudakranańnia bakoŭ.