Палітвязень Міхаіл Чамурака збег з «хіміі», бо ў Беларусі на яго завялі новую крымінальную справу
Праваабаронцам стала вядома, што 26 лістапада палітзняволены Міхаіл Чамурака, які адбываў пакаранне ў ваўкавыскай папраўчай установе, здолеў уцячы з Беларусі.
06.12.2021 / 13:21
Незадоўга да гэтага Міхаіл даведаўся, што на яго завялі новую крымінальную справу паводле арт. 130 Крымінальнага кодэкса (распальваньне варожасці). Цяпер Чамурака знаходзіцца за мяжой і ў бяспецы. Таксама вядома, што Міхаіла шукала гарадзенская міліцыя.
Міхаіл Чамурака — актывіст з Дуброўна, асуджаны на тры гады «хіміі» па крымінальнай справе аб паклёпе (арт. 188 Крымінальнага кодэкса). З 10 кастрычніка пачаў адбываць пакаранне ў папраўчай установе адкрытага тыпу №29.