U Homieli abvinavačanamu ŭ pieradinsultnym stanie prysudzili try hady «chatniaj chimii»
U Homieli abvinavačanamu ź invalidnaściu ŭ pieradinsultnym stanie prysudzili try hady «chatniaj chimii» za adno słova ŭ «Adnakłaśnikach»
13.12.2021 / 16:31
57-hadovaha Alaksandra Juranava abvinavačvali ŭ tym, što viasnoj 2020 hoda pad fotazdymkam supracoŭnika milicyi Vojniča, jaki byŭ raźmieščany ŭ «Adnakłaśnikach», jon pakinuŭ kamientaryj z adnaho słova. Paciarpieły milicyjant acaniŭ svaje maralnyja pakuty ŭ 1500 rubloŭ — kamientaryj «nanios jamu mocnyja maralnyja pakuty».
U Alaksandra treciaja niepracoŭnaja hrupa invalidnaści. Mužčyna dahladaje amal ślapoha 83-hadovaha baćku, a niezadoŭha da suda jon admoviŭsia ad špitalizacyi ŭ suviazi z pieradinsultnym stanam, bo chacieŭ asabista ŭdzielničać u sudovym pasiadžeńni pa svajoj spravie.
Suddzia Šaršnioŭ prysudziŭ Juranavu try hady «chatniaj chimii», a taksama pastanaviŭ vypłacić Vojniču 1 500 rubloŭ maralnaj kampiensacyi.