У Маларыце затрымалі мужчыну, які з'ехаў з месца ДТЗ, а машыну схаваў у лесе
12 снежня кіроўца на аўтамабілі Audi на вуліцы Савецкай у Маларыце збіў 41-гадовага мужчыну на пешаходным пераходзе. Пацярпелы атрымаў шматлікія траўмы, яго паклалі ў шпіталь.
16.12.2021 / 18:17
Кіроўца пасля наезду ўцёк з месца здарэння і кінуў свой аўтамабіль у лесе.
Праз некалькі дзён, 15 снежня, кіроўцу ‒ 34-гадовага мясцовага жыхара ‒ затрымалі. Падчас допыту ён распавёў, што пасля наезду на пешахода моцна спалохаўся і вырашыў зʼехаць.
Узбуджаная крымінальная справа аб парушэнні правілаў дарожнага руху, што пацягнула па неасцярожнасці прычыненне цяжкага цялеснага пашкоджання (ч. 2 арт. 317 Крымінальнага кодэкса Беларусі).