U Biełarusi źbirajucca budavać druhuju AES
Za hod urad źbirajecca vyznačycca z placoŭkaj.
22.12.2021 / 12:12
Raman Hałoŭčanka zajaviŭ, što ŭrad Biełarusi ciaham hoda ŭniasie Łukašenku prapanovy pa placoŭcy dla druhoj AES, buduć uličanyja prapanovy vučonych i rasijskich partnioraŭ.
Siońnia ž premjer-ministr Raman Hałoŭčanka pryniaŭ udzieł u zakładcy paliva ŭ druhi reaktar pieršaj BiełAES.
Biełaruskaja AES u Astraŭcy była zapuščanaja 7 listapada 2020 hoda. Jaje budaŭnictva i zapusk supravadžalisia skandałami. Pytańnie vyklikała ŭ tym liku i vybar placoŭki pad budaŭnictva. Praca stancyi pieryjadyčna spyniajecca praz techničnyja prablemy. Praz AES byli sapsavanyja adnosiny z Litvoj, jakaja nieadnojčy zajaŭlała pratesty na hety kont.
Pytańnie pra pabudovu druhoj AES uzdymałasia ŭžo nie raz. Pra heta kazaŭ, naprykład, Łukašenka i ŭ listapadzie 2020 i ŭ červieni 2021 hoda.