U Baranavičach žančynu asudzili na 2 hady «chimii» za abrazu Łukašenki
54-hadovaja Ała Cichamirava, pa viersii abvinavačańnia, 17 kastryčnika patelefanavała z chatniaha telefona ŭ «102» i niecenzurna abłajała Łukašenku.
22.12.2021 / 20:46
Žančynu nieŭzabavie znajšli i aryštavali, pad vartaj jaje trymali da samaha suda. Abvinavačańnie joj vystavili pa č. 1 art. 368 KK — «Abraza prezidenta Respubliki Biełaruś».
Pavodle viersii śledstva, u momant zvanka žančyna była niecviarozaj. Padobnyja ŭčynki, jana nibyta rabiła ŭžo nie adnojčy. Maŭlaŭ, tolki ciaham hetaha hoda Cichamirava bolš za sto razoŭ biez patreby telefanavała ŭ milicyju, u tym liku ŭ niecviarozym stanie, čym «uskładniała pracu pravaachoŭnikaŭ i zaminała inšym hramadzianam da ich źviartacca». Abvinavačanaja vinu pryznała.
Sudziła Cichamiravu suddzia Ała Paŭłoŭskaja i prysudziła joj dva hady abmiežavańnia voli z nakiravańniem u vypraŭlenčuju ŭstanovu adkrytaha typu. Paśla abviaščeńnia prysudu žančynu vyzvalili ŭ zale suda pad padpisku ab niavyjeździe.