«Ягор у шоку»: пракурор запытаў 11 гадоў для расіяніна Дуднікава
Пракуратура запрасіла 11 гадоў пазбаўлення волі для 21-гадовага расіяніна Ягора Дуднікава, які агучваў ролікі для пратэстнага тэлеграм-канала.
23.12.2021 / 16:50
Фота БелТА
Ягора затрымалі 5 мая. Сем месяцаў хлопца ўтрымлівалі ў СІЗА па ч. 1 арт. 342 Крымінальнага кодэкса праз тое, што ён агучваў відэаролікі і аўдыяпаведамленні ў тэлеграм-канале «АГСБ».
Аднак канчатковае абвінавачванне Ягору выставілі зусім па іншых артыкулах Крымінальнага кодэкса — ч. 3 арт. 130 (распальванне варожасці) і ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы Беларусі).
«Ягор у шоку», — распавяла крыніца Рускай службе Бі-бі-сі. Суд праходзіў у закрытым рэжыме. Прысуд будзе абвешчаны ў найбліжэйшы час.