Eks-kancler Aŭstryi Kurc uładkavaŭsia na pracu ŭ pryvatnuju firmu ŭ ZŠA. Za 500 tysiač jeŭra ŭ hod

Pavodle aŭstryjskich SMI, niezadoŭha da Rastva Siebaśćian Kurc, jaki ŭ kastryčniku pakinuŭ pasadu kanclera, padpisaŭ kantrakt z adnoj z pryvatnych firmaŭ u Kramianiovaj dalinie. Jon pačnie novuju pracu ŭ lutym.

25.12.2021 / 17:36

imago-images.de

Były kancler Aŭstryi Siebaśćian Kurc u nastupnym hodzie pačnie pracavać u pryvatnaj kampanii ŭ ZŠA, paviedamlaje hazieta Österreich sa spasyłkaj na krynicy ź jaho atačeńnia.

Pavodle źviestak vydańnia, Kurc padpisaŭ kantrakt z adnoj z firmaŭ, jakaja zajmajecca sfieraj inviestycyj, niezadoŭha da Kaladaŭ. Nazva kampanii nie ŭdakładniajecca, ale hazieta piša, što hadavy dachod eks-kanclera składzie €500 tys. Kronen Zeitung dadaje, što Kurc budzie mieniedžaram u adnoj z kampanij.

Kurc staŭ kancleram Aŭstryi ŭ śniežni 2017 hoda i staŭ samym maładym kiraŭnikom urada ŭ Jeŭropie: na toj momant jamu byŭ 31 hod. U kastryčniku 2021-ha jon pakinuŭ pasadu na fonie abvinavačvańniaŭ u karupcyi.