Žurnalisty-rasśledavalniki pryznali Łukašenku čałaviekam hoda ŭ arhanizavanaj złačynnaści i karupcyi
Takuju «naminacyju» palityk atrymaŭ ad Centra pa daśledavańni karupcyi i arhanizavanaj złačynnaści (OCCRP).
27.12.2021 / 14:44
Paviedamlajecca, što kalehija z šaści žurnalistaŭ i navukoŭcaŭ, jakija zajmajucca vyvučeńniem karupcyi, biezapielacyjna abrała Łukašenku pieramožcam siarod 1167 kandydataŭ. Upieršyniu za dziesiacihoddzie ŭručeńnia suśvietnych premij «Čałaviek hoda» rašeńnie pryniataje adnahałosna.
Finalistami byli taksama były prezident Afhanistana Asraf Hani, prezident Siryi Bašar Asad, prezident Turcyi Redžep Taip Erdahan i były kancler Aŭstryi Siebaśćian Kurc.