Dyrektar Aivitam Dosaŭ vyjšaŭ na volu. Jon pierasłaŭ u asabistyja artykuł pra biznes
13 śniežnia ŭ telehram-kanałach źjaviłasia infarmacyja ab zatrymańni dyrektara kampanii Aivitam Dźmitryja Dosava, u vyniku jamu dali 15 sutak. Vyśvietliłasia, što jaho adpuścili 25 śniežnia paśla abiedu, piša Dev.by.
28.12.2021 / 16:02
Dźmitryj raspavioŭ, što da jaho dadomu pryjšli ŭ 9.30 10 śniežnia «čałaviek 8 ź pistaletami i ščytami». Na jaho dumku, hetaha «ništo nie pradviaščała». Jamu paviedamili, što na jaho «pastupiła zajava».
Pa jaho słovach, padčas pieratrusu ničoha nie znajšli, zabrali telefon, noŭtbuk i pavieźli ŭ HUBAZik. «Tam znajšli adzin repost u asabistyja paviedamleńni z «Zierkała». Heta byŭ artykuł pra biznes».
U paniadziełak u 12.00 sud Centralnaha rajona vynies prysud pa skajpie pa art. 19.11 č2 KAAP (raspaŭsiudžvańnie infarmacyjnaj pradukcyi, uklučanaj u śpis ekstremisckich materyjałaŭ).
Dźmitryj Dosaŭ — vienčurny inviestar i IT-pradprymalnik. Byŭ CEO i kafauŭnderam kampanii Humansee Labs i zasnavalnikam prajekta The Heroes Media.