Saakašvili pryznaŭsia, što maje pazašlubnuju dačku
Dziaŭčynku zavuć Eli-Maryja, jaje maci — viadomaja hruzinskaja śpiavačka Safo Nižaradze. U 2014 hodzie eks-prezident Hruzii nibyta nabyŭ joj kvateru ŭ Ńju-Jorku koštam dva miljony dalaraŭ.
31.12.2021 / 16:40
Fota: facebook.com/SaakashviliMikheil
Fota dziaŭčynki i jaje maci było apublikavanaje na staroncy palityka ŭ Facebook z podpisam:
«Heta pieršy Novy hod, jaki ja sustrakaju ŭ turmie, ale heta i pieršy Novy hod, kali na ekranie televizara ŭ navahodnim kancercie na kanale «Mtavary archi» źjavicca samaja maleńkaja ŭdzielnica razam sa svajoj mamaj — Elis-Maryja Saakašvili, maja samaja lubimaja dziaŭčynka i małodšaja dačka».
U hety momant były prezident Hruzii Michaił Saakašvili znachodzicca ŭ hruzinskaj turmie ŭ Rustavi. Jaho zatrymali 1 kastryčnika. Praktyčna adrazu paśla zatrymańnia jon abviaściŭ haładoŭku.
Heta nie pieršaje pryznańnie Saakašvili sa sfiery asabistaha žyćcia padčas jaho znachodžańnia ŭ turmie. Raniej jon abviaściŭ ab adnosinach z narodnym deputatam Ukrainy ad frakcyi «Słuha naroda» Lizavietaj Jaśko.