Łukašenka prapanavaŭ nazvać pieryjad Rečy Paspalitaj akupacyjaj biełaruskaj ziamli palakami i etnacydam biełarusaŭ
Pra heta jon zajaviŭ padčas narady pa pytańniach zachoŭvańnia histaryčnaj pamiaci, piša BiełTA.
06.01.2022 / 11:23
«Davajcie ŭ padručnikach pa historyi, u zamkavych i muziejnych ekspazicyjach tak i nazaviem, naprykład, pieryjad Rečy Paspalitaj — akupacyjaj biełaruskaj ziamli palakami. Etnacydam biełarusaŭ.
A što heta było dla našych prodkaŭ? Rodnaja mova, kultura, viera pad zabaronaj. Mahnaty na sabak mianiali biełaruskich sialan. Ale narod vyžyŭ i zachavaŭ svaju samabytnaść», — skazaŭ Łukašenka.