Navukoŭcy z PAR nazvali «amikron» pradvieśnikam zakančeńnia pandemii
Navukoŭcy z Paŭdniova-Afrykanskaj Respubliki, dzie ŭpieršyniu vyjavili novy amikron-varyjant karanavirusa, vykazali zdahadku, što hety štam moža pakłaści kaniec pandemii COVID-19. Vyniki daśledavańnia apublikavanyja na sajcie South African Medical Research Council.
08.01.2022 / 18:08
Daśledčyki vyvučyli danyja 466 pacyjentaŭ balnicy haradskoj akruhi Cvanie, jakija pastupili ŭ chvalu «amikrona», i 3976 — što ŭ papiarednija.
Jany ŭstalavali, što ŭsiaho 4,5% chvorych COVID-19 pamierli ŭ špitali ŭ biahučuju chvalu ŭ paraŭnańni ź siarednim pakazčykam u 21% u minułyja razy, piša RBK.
Skaraciłasia siaredniaja praciahłaść znachodžańnia ŭ balnicy da čatyroch dzion u paraŭnańni z 8,8 dnia raniej, a kolkaść špitalizavanych u adździaleńnie intensiŭnaj terapii — z 4,3 da 1%.
Z kožnaj chvalaj nazirałasia bolš lohkaje praciakańnie zachvorvańnia, adznačajuć navukoŭcy.
Heta śviedčyć ab tym, što amikron-štam moža pasłužyć «pradvieśnikam» zakančeńnia epidemičnaj fazy pandemii karanavirusa i pierachodam jaje ŭ endemičnuju — charakternuju dla peŭnaj miascovaści.