Dziesiać samalotaŭ z biełaruskimi miratvorcami pakinuli Kazachstan
Biełaruskija padraździaleńni Kalektyŭnych miratvorčych sił Arhanizacyi Dahavora ab kalektyŭnaj biaśpiecy, jakija vykonvali zadačy pa achovie sacyjalna značnych abjektaŭ u Kazachstanie, vylecieli ŭ Minskuju vobłaść na samalotach vajennych sił Rasii.
14.01.2022 / 08:24
Biełaruskija vajskoŭcy brali ŭdzieł u achovie stratehična važnych abjektaŭ. Fota Minabarony.
«Dziesiać samalotaŭ z miratvorcami ADKB Respubliki Biełaruś, zaviaršyŭšy pahruzku, vylecieli z aeradroma Žytyhien u Minskuju vobłaść», — havorycca ŭ paviedamleńni rasijskaha vajennaha viedamstva.
13 studzienia pačaŭsia vyvad vojskaŭ ADKB — Biełarusi, Rasii, Armienii, Kyrhyzstana i Tadžykistana — z Kazachstana, dzie jany dapamahali ŭ adnaŭleńni paradku. Uračystaja cyrymonija provadaŭ adbyłasia ŭ Ałmaty.