RPC nie rekamienduje viernikam u hetym hodzie akunacca na Vadochryšča. I tłumačyć, što zrabić lepš
Na dumku mitrapalita Vałakałamskaha, «virus nikudy ad nas nie syšoŭ». Jon miarkuje, što ludziam varta pryśviacić čas, što zastaŭsia da abiacanaj ŭspyški «amikrona», kab zrabić pryščepku ad COVID-19.
15.01.2022 / 16:49
Ilustracyjnaje fota
U 2022 hodzie ŭ suviazi z raspaŭsiudžvańniem amikron-štamu karanavirusa rasijanam varta admovicca ad kupańniaŭ na Vadochryšča 19 studzienia. Pra heta kiraŭnik addzieła źniešnich carkoŭnych suviaziaŭ Maskoŭskaha patryjarchatu mitrapalit Vałakałamski Iłaryjon zajaviŭ u efiry «Rasija 24», piša RBK
«Kali mianie pytajucca, ci treba akunacca, ci varta, ja zaklikaju da maksimalnaj aściarožnaści, bo, pa-pieršaje, lubyja masavyja skapleńni ludziej — jany ciapier niepažadanyja. Kali možna paźbiehnuć masavaha zboru ludziej, lepš jaho paźbiehnuć», — skazaŭ jon.
Mitrapalit nahadaŭ «što «virus nikudy ad nas nie syšoŭ», a daktary papiaredžvajuć ab uspyšcy «amikrona» i vialikaj kolkaści zaražanych užo ŭ lutym.
Na dumku archireja, lepš pryśviacić čas, jaki zastaŭsia da abiacanaj ŭspyški karanavirusa, tamu, kab pavysić svoj imunitet, zrabić pryščepku i «padrychtavacca da hetaj novaj chvali».