«Белтэлекам» стане сотавым аператарам
«Белтэлекам» атрымаў ліцэнзію на сотавую сувязь. Ён будзе выкарыстоўваць існуючую сетку LTE інфраструктурнага аператара beCloud.
17.01.2022 / 10:48
«З 17 студзеня 2022 года прадпрыемства атрымала права аказваць паслугі сотавай рухомай электрасувязі» — гаворыцца ў паведамленні міністэрства.
У прэс-службе растлумачылі, што выхад «Белтэлекама» на рынак мабільнай сувязі паскорыць вырашэнне праблемы лічбавай няроўнасці пры доступе да сучасных паслуг гарадскога і сельскага насельніцтва. Таксама ліцэнзія дазволіць прадпрыемству аказваць запатрабаваныя канвергентныя паслугі, якія ўключаюць у адным пакеце стацыянарную і мабільную сувязь.
Да гэтага аказваць паслугі сотавай сувязі насельніцтву ў Беларусі маглі аператары МТС, А1 і life:)