U Minsku mohuć uvieści adziny prajazny na ŭsie vidy transpartu
Ale na heta mohuć spatrebicca hady.
20.01.2022 / 17:13
Pra heta zajaviŭ namieśnik kiraŭnika Minharvykankama Juryj Truščanka padčas naviedvańnia pradpryjemstva «Minsktrans».
Pa jaho słovach, uviadzieńnie adzinaha prajaznoha jość u płanach, ale na heta moža syści niekalki hadoŭ. U Minsku płanujuć admovicca ad transpartu z ruchavikami ŭnutranaha zharańnia, kab zastaŭsia tolki elektratranspart: tralejbusy, elektrobusy, mietro i tramvai.
U pierśpiektyvie ŭ Minsku čakajecca aptymizacyja maršrutnaj sietki: płanujuć uvieści skraznuju numieracyju maršrutaŭ, kab, naprykład, nie było tramvaja №1 i aŭtobusa z tym ža numaram. Heta, pa słovach, Truščanki dazvolić aptymizavać sietku, kab pa adnym maršrucie jechaŭ tolki adzin vid transpartu.