У лекцыйнай зале нямецкага Гейдэльбергскага ўніверсітэта была страляніна, ёсць параненыя
Пра гэта паведаміла ў Твітары паліцыя горада Мангейма. У паведамленні гаворыцца, што паліцыя праводзіць маштабную спэцаперацыю ў суседнім з Мангеймам Гейдэльбергу.
24.01.2022 / 19:41
Страляніна была адкрытая са зброі з доўгай руляй у лекцыйнай зале, некалькі чалавек былі параненыя. Нападнік, як мяркуецца, забіты.
Паліцыянты папрасілі грамадзян аб’язджаць раён здарэння, каб не перашкаджаць праезду машын хуткай дапамогі і ратавальнікаў.
Пазней стала вядома, што страляў 18-гадовы грамадзянін Германіі. А адзін з параненых памёр у шпіталі.
Гейдэльбергскі ўніверсітэт працуе з 1386 года, гэта найстарэйшы ўніверсітэт у Германіі.