Na Niomanie kala Hrodna natoŭp rybakoŭ vyhrabaje rybu z zatokaŭ FOTAFAKT
Kožny hod bierah raki Nioman ŭ Hrodnie pieratvarajecca ŭ miesca pałomnictva amataraŭ zimovaj rybałki. Tut u nievialikaj zatocy na zimoŭku zvyčajna źbirajecca niekalki ton dobraj ryby. Adnak zamiest vyžyvańnia i nierastu joj pahražaje pakutlivaja śmierć ad žyvadziorstva miascovych rybakoŭ.
26.01.2022 / 15:03
Zima — składany pieryjad dla ryby. Z-za mocnaha pachaładańnia ŭ vadajomach rezka źnižajecca kolkaść bieschrybtovych, vodaraściaŭ i płanktonu, što pryvodzić da pavyšeńnia kankurencyi siarod ryby i pošuku prydatnaha miesca dla zimoŭki, piša Newgrodno.by.
Małaja zatoka na Niomanie ŭ Hrodzienskim rajonie — jak raz taki ŭčastak. Tut pad 20-santymietrovym płastom lodu na hłybini dvuch mietraŭ tony ryby šukajuć spakoju.
Adnak sotni rybakoŭ z usiaho rajona štohod adpraŭlajucca siudy pa lohkuju rybu. Ich nie pałochaje ni kolkaść kankurentaŭ, ni tonki lod, ni vizity inśpiektaraŭ — zanadta vialikaja spakusa pryvieźci dadomu pabolš zdabyčy.
Asabliva zaŭziatyja brakańjery karystajucca nie prosta vudami, a bahrami.
Rybaki šyrokimi razmašystym ruchami prosta źbirajuć z hłybini rybu, paralelna pakidajučy mnostva irvanych ran na tych asobinach, jakich nie ŭdałosia zabahryć. Faktyčna heta samaje sapraŭdnaje žyvadziorstva.
Hod tamu paśla skarhaŭ rabotniki MNS raśpiłavali lod, takim čynam pakinuŭšy rybakoŭ biez zdabyčy.