Vierka Siardziučka praśpiavała chit Tyktoka pra Ściapana Banderu
Siońnia zjaviŭsia epizod zapisu navahodniaj prahramy «Dyziel Šou», na jakim ukrainski šoŭmien i śpiavak Andrej Daniłka, viadomy jak Vierka Siardziučka, śpiavaje pieśniu «Baćka naš Bandera».
27.01.2022 / 21:05
Skrynšot UNIAN.
Daniłku dapamahli bek-vakalisty, a hledačy padtrymali pieśniu apładyśmientami.
Pieśnia pra Banderu stała chitom u Tyktoku vosieńniu 2021 hoda paśla taho, jak videa padletkaŭ sa Lvova trapiła ŭ efir rasijskich prapahandystaŭ. Heta tolki paspryjała jaje papularnaści.
Daniłka paśla patłumačyŭ vykanańnie chita sacsietak jahonaj papularnaściu.
«Heta była impravizacyja. Nie treba vydumlać toje, čaho niama. Hetaja pieśnia ŭ toj momant, kali zapisvałasia «Dyziel Šou», była virusnaj i papularnaj u internecie. Ja ŭsprymaju jaje jak prosta pieśniu, i nie bolš za toje»,
— skazała Vierka Siardziučka.