Dziarždep ZŠA: Cankcyi suprać Minska zachavajucca, pakul ułady nie spyniać represii da biełaruskaha naroda
Nieadkładna i biezumoŭna vyzvalić usich palityčnych źniavolenych zaklikaŭ biełaruskija ŭłady Dziaržaŭny departamient ZŠA. Adpaviednuju zajavu za podpisam dziaržsakratara Entani Blinkiena źjaviłasia 27 studzienia na sajcie viedamstva.
28.01.2022 / 07:58
Dziarždepartament nahadaŭ, što pavodle źviestak biełaruskich pravaabaroncaŭ na 27 studzienia ŭ miescach źniavoleńnia znachodzicca bolš za 1000 palitviaźniaŭ.
«Złučanyja Štaty znoŭ zaklikajuć da nieadkładnaha i biezumoŭnaha vyzvaleńnia ŭsich palityčnych źniavolenych pryznajučy heta, jak nieabchodny krok Biełarusi dla pieraadoleńnia palityčnaha kryzisu. My praciahniem damahacca pravasuddzia dla achviar [palityčnych represij] i adkaznaści dla parušalnikaŭ. My zaklikajem Biełaruś vykonvać uziatyja na siabie abaviazacielstvy, jak dziaržavy — ŭdzielnika arhanizacyi pa biaśpiecy i supracoŭnictvie ŭ Jeŭropie, i mižnarodnyja pravavyja abaviazacielstvy pa abaronie pravoŭ i asnoŭnych svabod čałavieka. My padtrymlivajem narod Biełarusi, jaki imkniecca da budučyni, zasnavanaha na viaršenstvie zakona i adkaznym demakratyčnym dziaržkiravańni», — paviedamlajecca na sajcie Dziarždepu ZŠA.
«Sa žniŭnia 2020 hoda ZŠA ŭ kaardynacyi z sajuźnikami i partniorami ŭviali piać błokaŭ sankcyj u dačynieńni da aficyjnych asob i prychilnikaŭ žorstkaha režymu Łukašenki. Hetyja sankcyi zachavajucca, pakul ułady nie spyniać pastajannyja represii ŭ dačynieńni da biełaruskaha naroda, u tym liku vyzvaliŭšy biez usialakich umovaŭ usich palityčnych źniavolenych», — dadaŭ Blinkien.