U Rasii razdušyli ekskavataram 1,9 tony jabłykaŭ z Biełarusi
26 studzienia na palihonie cviordych bytavych adychodaŭ u rasijskim horadzie Siebiež na Pskoŭščynie źniščyli 1,9 tony jabłykaŭ z Biełarusi. Pra heta piša Reform.by, spasyłajučysia na pres-słužbu Paŭnočna-Zachodniaha mižrehijanalnaha kiravańnia Rassielhasnahladu.
28.01.2022 / 19:48
Hruz byŭ zatrymany supracoŭnikami Pskoŭskaj mytni va Uśviackim rajonie pry sprobie ŭvieści jaho mašynaj na terytoryju Rasii mima fitasanitarnych pastoŭ.
Zhodna markirovačnym etykietkam, kraina pachodžańnia sadaviny — Ukraina, śćviardžajuć u Rassielhasnahladzie. Ale pierad hetym jany byli nibyta lehalna impartavanyja ŭ Biełaruś. Fitasanitarnych siertyfikataŭ i inšych supravadžalnych dakumientaŭ pra pachodžańnie i biaśpiečnaść pradukcyi ŭ kiroŭcy nie było.
Pa hetym fakcie raspačata sprava ab administracyjnym pravaparušeńni. A jabłyki pajšli pad ekskavatar.