U futbolnaj zbornaj Polščy — novy hałoŭny trenier. Jon naradziŭsia ŭ Lidskim rajonie
Były hałoŭny trenier varšaŭskaj «Lehii» Česłaŭ Michnievič uznačaliŭ zbornuju Polščy pa futbole.
31.01.2022 / 17:25
Fota Agencja Wyborcza.pl
Cikava, što Michnievič naradziŭsia ŭ 1970 hodzie ŭ Biarozaŭcy, što ŭ Lidskim rajonie. Jaho maci pryjechała ŭ hety čas u Biełaruś da svajakoŭ i naradziła.
Michnievič hulaŭ za «Pałoniju» z Hdańska i «Amiku» z Vronkaŭ. Treniravaŭ niekalki kłubaŭ, u tym liku biełastockuju «Jahiełoniju», «Vidzeŭ», «Lech». Z «Lehijaj» pracavaŭ z 2020 hoda, zavajavaŭšy ź joj załatyja miedali ŭ 2021-m. Ale pakinuŭ kłub u kastryčniku 2021-ha, kali «Lehija» išła 15-j u čempijanacie.
Polšča zhulaje z Rasijaj u stykavym matčy za pucioŭku na čempijanat śvietu pa futbole — 2022. Matč projdzie ŭ Maskvie 24 sakavika. Jaho pieramožca zhulaje z pieramožcam dvuboju Šviecyja — Čechija.