Minpracy rastłumačyła, jak mohuć davacca try dni adpačynku biez balničnaha
Ministerstva pracy i sacyjalnaj abarony rastłumačyła, na jakich umovach musić pracavać norma pra toje, što rabotnikam arhanizacyj moža davacca vyzvaleńnie ad pracy na try dni pa chvarobie biez balničnaha lista. Hetaja norma była zamacavanaja jašče punktam 14 ukaza Łukašenki ad 24 krasavika 2020 hoda №143 «Ab padtrymcy ekanomiki».
01.02.2022 / 17:53
Pavodle tłumačeńnia Minpracy,
termin vyzvaleńnia ad pracy vyznačajecca rabotnikam tolki pa ŭzhadnieńni z najmalnikam i moža składać adzin, dva ci try dni biez balničnaha. Vyzvaleńnie ad pracy nie moža pieravyšać troch dzion.
Što da zachavańnia zarobku za pieryjad vyzvaleńnia ad pracy, to heta
moža być praduhledžana kalektyŭnym dahavoram, za vyklučeńniem biudžetnych arhanizacyj i inšych, jakija atrymlivajuć subsidyi, dzie supracoŭniki pryraŭnanyja pa apłacie pracy da biudžetnikaŭ.