Bajden paprasiŭ amierykancaŭ pakinuć Ukrainu
Prezident ZŠA Džo Bajden paprasiŭ amierykancaŭ pakinuć Ukrainu ŭžo ciapier bo Rasija praciahvaje pahražać uvarvańniem. Pa jaho słovach, situacyja ŭ luby momant moža vyjści z-pad kantrolu.
11.02.2022 / 08:15
«Amierykanskija hramadzianie pavinny źjechać ciapier ža», — zajaviŭ jon.
U svaju čarhu Dziarždep ZŠA zajaviŭ, što amierykanskim hramadzianam varta pakinuć Ukrainu usimi dastupnymi vidami transpartu, paviedamlaje RBK-Ukraina.
«Hramadzianam ZŠA nie varta jeździć va Ukrainu. Tym, chto znachodzicca va Ukrainie, varta źjechać ciapier, vykarystoŭvajučy kamiercyjnyja ci inšyja dastupnyja dla pryvatnych asob varyjanty transparciroŭki», — havorycca ŭ zajavie.
U Dziarždepie papiaredzili, što ŭłady ZŠA nie zmohuć evakujavać svaich hramadzian z Ukrainy ŭ vypadku vajennych dziejańniaŭ, jakija mohuć pačacca «ŭ luby momant».