Žychar Vietki zatrymany za razbeščvańnie dziasiatkaŭ padletkaŭ
Supracoŭniki UUS Homielščyny zatrymali 41-hadovaha mužčynu ź Vietki, jaki na praciahu niekalkich hadoŭ rabiŭ «raspusnyja dziejańni ŭ dačynieńni da niepaŭnaletnich».
13.02.2022 / 13:43
Paciarpiełych — dziasiatki, u asnoŭnym heta dziaŭčynki va ŭzroście ad 11 da 16 hadoŭ.
Svaich achviar mužčyna znachodziŭ u sacsietkach. Spačatku jon praź ich siabroŭ daviedvaŭsia padrabiaznuju infarmacyju pra ichnaje žyćcio, a paśla pačynaŭ pisać im samim, vydajučy siabie za ravieśnika.
«Rassypajučysia ŭ kamplimientach i pryznańniach ŭ kachańni, prasiŭ zrabić jašče bolš «niaścipłyja» rečy. Mužčyna prajaŭlaŭ sumnieŭnuju aktyŭnaść nie tolki ŭ virtualnym asiaroddzi: vioŭ schavanaje nazirańnie za achviarami, zdymaŭ ich na videa», — piša pres-słužba MUS.
Mužčyna aryštavany. Suprać jaho raspačataja kryminalnaja sprava za ŭčynieńnie raspusnych dziejańniaŭ u dačynieńni da asob, jakija nie dasiahnuli 16 hadoŭ.
Darečy, pavodle infarmacyi milicyjantaŭ, u niekatorych vypadkach baćki viedali pra słoŭnyja pahrozy i raspusnyja paviedamleńni, jakija atrymlivali ichnija dzieci, ale nie ličyli patrebnym umiešvacca.