U Minsku zatrymlivali aktyvistaŭ «Jeŭrapiejskaj Biełarusi». Pryčyna — «prafiłaktyka» pierad refierendumam
14 lutaha kala 11-j hadziny ranicy ŭ Minsku zatrymali aktyvistaŭ «Jeŭrapiejskaj Biełarusi» Leanida Kułakova i Maju Navumavu, paviedamlaje «Viasna».
14.02.2022 / 19:29
Aktyvistaŭ advieźli ŭ Pieršamajski RUUS, dzie spačatku praviali hutarku, a paśla z 12-j da 17:30 zamknuli ŭ kamiery. Paśla taho i Kułakova, i Navumavu adpuścili.
Padčas hutarki milicyjant paviedamiŭ aktyvistam, što ich zatrymańnie źviazanaje z budučym refierendumam.
Takija «prafiłaktyčnyja» zatrymańni apazicyjnych aktyvistaŭ pierad značnymi padziejami ŭ Biełarusi praktykujucca ŭžo nie pieršy hod.
Siońnia takaja samaja historyja zdaryłasia ź minčukom Jaŭhienam Baturam, jakoha a 10-j hadzinie zatrymali, a paśla vypuścili:
«Ja pakul nie razumieju, što heta, ale Ženia tolki što pryjšoŭ damoŭ. Biez šnurkoŭ i ŭsich zaviazak. Prasiedzieŭ u RUUSie 6,5 hadzin», — napisała pad viečar jahonaja žonka, žurnalistka Dzijana Sieradziuk.