Niamiecki fond pra eks-žurnalistku «SB», jakuju padazrajuć u źlivach: «Ciapier my pierahladajem hetuju spravu»
«Naša Niva» raskazvała pra eks-žurnalistku «Sovietskoj Biełorussii» Śviatłanu Hałuzu, jakuju padazrajuć u źlivie infarmacyi fonda BySol. Niečakana stała viadoma, što Hałuza pad vyhladam paciarpiełaj ad represij atrymała ŭ Hiermanii stypiendyju i prytułak.
18.02.2022 / 14:54
Niamiecki fond, jaki i pradastaviŭ Hałuzie prytułak i stypiendyju, adkazaŭ na zapyt «Našaj Nivy» adnosna pryncypaŭ adboru.
«Asnoŭnaj papiaredniaj umovaj dla atrymańnia stypiendyi źjaŭlajecca dokaz taho, što adpaviedny žurnalist znachodzicca pad pahrozaj. Tamu kožny kandydat prachodzić pravierku. Ciapier my pierahladajem hetuju spravu i samu praceduru pravierki», — napisali nam ź Jeŭrapiejskaha centra svabody miedyja i presy (ECPMF).
Sama Hałuza, da jakoj źviarnułasia «Naša Niva», pa-raniejšamu nie vychodzić na suviaź i nie adkazvaje na pytańni.