Film zahinułaj biełaruskaj režysiorki atrymaŭ uznaharodu na kinafiestyvali ŭ Brusieli
Na Brusielskim feście niezaležnaha kino ŭznaharodu atrymaŭ film biełaruskaj režysiorki Niki Nikanavaj «Generation 328». Jon byŭ adznačany ŭ katehoryi «Najlepšy karotki dakumientalny film».
18.02.2022 / 18:23
Nika Nikanava.
Film raskazvaje pra «Matčyn ruch 328» — abjadnańnie žančyn, čyje dzieci atrymali vializnyja turemnyja terminy pa «narkatyčnym» 328-m artykule Kryminalnaha kodeksa.
Bolšaść udzielnic ruchu «Maci 328» davodziać, što ich dziaciej z dapamohaj uskosnych i niapeŭnych dokazaŭ niezasłužana asudzili jak raspaŭsiudnikaŭ narkatyčnych rečyvaŭ i ŭdzielnikaŭ niejkich arhanizavanych hrup, chacia jany byli ŭsiaho tolki spažyŭcami.
Sama Nika Nikanava zahinuła ŭ lipieni 2019 hoda na Alascy, kudy adpraviłasia ŭ viasielnaje padarožža. 24-hadovuju dziaŭčynu zmyła patokam vady padčas pierapravy praz raku.