Saakašvili znoŭ abviaściŭ haładoŭku
Były prezident Hruzii Michaił Saakašvili čarhovy raz abviaściŭ haładoŭku. Eks-kiraŭnik krainy znachodzicca pad aryštam z 1 kastryčnika
21.02.2022 / 16:35
Fota: AP
«Ja abviaščaju biesterminovuju haładoŭku, haładoŭka — heta reakcyja na toje, jak režym stavicca da mianie i našaha naroda», — zajaviŭ jon u zale suda padčas słuchańnia pa jaho spravie.
Saakašvili viarnuŭsia ŭ Hruziju 1 kastryčnika napiaredadni municypalnych vybaraŭ. U toj ža dzień jaho zatrymali.
U krainie suprać palityka raspačata niekalki kryminalnych spraŭ, u tym liku ab pieravyšeńni paŭnamoctvaŭ i rastracie, apošniaja — ab niezakonnym pierasiačeńni miažy.
Paśla zatrymańnia jaho biez uzhadnieńnia z advakatami źmiaścili ŭ turmu ŭ Rustavi, dzie jon abviaściŭ haładoŭku. Paśla paharšeńnia stanu Saakašvili na pačatku listapada pieraviali z turmy ŭ turemny špital, a zatym — u vajskovy špital u horadzie Hory, dzie jon spyniŭ haładoŭku.