Kamanda EPAM u Biełarusi ŭpieršyniu skaraciłasia. Heta ŭžo nie samy vialiki ofis
Pavodle źviestak EPAM, na kaniec minułaha hoda ŭ ofisach kampanii ŭ Biełarusi pracavała krychu bolš za 9,4 tysiačy vytvorčych śpiecyjalistaŭ. Heta amal na 2,5% mienš, čym na kaniec 2020 hoda, piša dev.by.
22.02.2022 / 14:45
Kamanda vytvorčych śpiecyjalistaŭ u biełaruskich ofisach EPAM skaraciłasia ŭpieršyniu za dziesiać hadoŭ, jakija adlustravanyja ŭ publičnych spravazdačach paśla IPO, i, vierahodna, upieršyniu ŭ historyi kampanii.
Biełaruś straciła status najbujniejšaj łakacyi vytvorčych śpiecyjalistaŭ kampanii ŭ śviecie, sastupiŭšy pieršaje miesca Ukrainie.
Na pačatak 2022 hoda va ŭkrainskich ofisach EPAM pracavała amal 12,4 tysiačy vytvorčych śpiecyjalistaŭ. Za minuły hod ich stała bolš na 36%. Za apošnija piać hadoŭ kamanda takich śpiecyjalistaŭ va ŭkrainskim EPAM rasła ŭ siarednim bolš čym na 25% u hod.
EPAM nie nazyvaje dakładnuju kolkaść śpiecyjalistaŭ, jakija pracujuć u Biełarusi, i nie kamientuje źmianieńnie ich kolkaści.