«Z pavahaj i razumieńniem»: MZS Biełarusi prakamientavała pryznańnie Rasijaj niezaležnaści DNR i ŁNR
«My z pavahaj i razumieńniem usprymajem rašeńnie rasijskaha boku ab pryznańni niezaležnaści Danieckaj i Łuhanskaj narodnych respublik», — havorycca ŭ aficyjnym paviedamleńni Ministerstva zamiežnych spraŭ Biełarusi.
22.02.2022 / 15:57
«Hety krok Rasii maje nie tolki palityčnaje, ale i surjoznaje čałaviečaje, humanitarnaje vymiareńnie, uličvajučy kolkaść rasijskich hramadzian, jakija žyvuć na hetych terytoryjach i adčuvajuć niahody ciaham amal vaśmi hadoŭ», — havorycca ŭ zajavie biełaruskaha źniešniepalityčnaha viedamstva.
«Vitajem zajavy rasijskaha boku ab adkrytaści da dypłamatyi ŭ hetym kantekście. Šlach pieramovaŭ u našym razumieńni — adzina pravilny dla taho, kab nie dapuścić krovapralićcia pamiž brackimi słavianskimi narodami. Zaklikajem ŭsie baki ŭstrymacca ad vajennaj eskałacyi i lubych inšych dziejańniaŭ», — adznačaje biełaruskaje zamiežnapalityčnaje viedamstva.