Bajden uvioŭ sankcyi suprać apieratara hazapravoda «Paŭnočny patok — 2»
Prezident ZŠA Džo Bajden zajaviŭ, što daručyŭ svajoj administracyi ŭvieści sankcyi suprać apieratara hazapravoda «Paŭnočny patok — 2», kampanii Nord Stream 2 AG, i słužbovych asob hetaj kampanii. Pra heta havorycca na sajcie Biełaha doma.
23.02.2022 / 22:22
Džo Bajden. Fota: Twitter.
Bajden nahadaŭ, što Hiermanija vyrašyła spynić siertyfikacyju hazapravoda.
«Hetyja kroki — jašče adna častka našaha pieršapačatkovaha pakieta sankcyj u adkaz na dziejańni Rasii va Ukrainie. Jak ja jasna daŭ zrazumieć, my biez vahańniaŭ prymiem dalejšyja kroki, kali Rasija praciahnie eskałacyju», — zajaviŭ jon.
Amierykanski lidar taksama padziakavaŭ kancleru Hiermanii Ołafu Šolcu za «ciesnaje supracoŭnictva i niaźmiennuju prychilnaść pryciahnieńniu Rasii da adkaznaści za jaje dziejańni».