U Minsku milicyjanty papiaredžvajuć ludziej u čerhach na apastyl pra adkaznaść za niesankcyjanavany schod
U Minsku paśla 11-dzionnaj paŭzy Hienieralnaje konsulskaje ŭpraŭleńnie Ministerstva zamiežnych spravaŭ adnaviła pryjom dakumientaŭ na apastyl. Jak paviedamlałasia, canu na jaho padniali ŭ 10 razoŭ — z 16 da 160 rubloŭ. Siońnia i ŭčora ludzi stajać u vialikich čerhach.
22.03.2022 / 15:03
Kab trapić na padaču dakumientaŭ (z 8 da 10:30), ludzi zajmajuć čerhi z nočy: «A 5 ranicy ŭ čarzie było 55 čałaviek».
Zabrać apastyl možna z 15:00 da 16:00 — tamu dniom čerhi zastajucca.
Paviedamlajecca, što siońnia dniom da čarhi pryjšli supracoŭniki milicyi i papiaredzili prysutnych pra adkaznaść za ŭdzieł u niesankcyjanavanym masavym mierapryjemstvie.
Apastyl — heta štamp z paradkavym numaram dziaržaŭnaj rehistracyi. Jon patrebny dla paćviardžeńnia aficyjnych papier za miažoj. Ahromisty popyt na jaho źviazany ź vialikaj chvalaj emihracyi ź Biełarusi.