U zonie bajavych dziejańniaŭ pad Kijevam źnik ukrainski žurnalist i dakumientalist Maks Levin
Apošni raz Maks Levin vychodziŭ na suviaź 13 sakavika ŭ Vyšharadskim rajonie pad Kijevam. Tam, dzie jon pavinien byŭ pracavać, adbyvalisia intensiŭnyja bajavyja dziejańni, padčas jakich jon moh atrymać ranieńnie abo trapić u pałon da rasijskich vajskoŭcaŭ, paviedamlaje Radyjo Svaboda.
22.03.2022 / 18:50
Maks Levin naradziŭsia ŭ 1981 hodzie na Kijeŭščynie. Pracuje jak fotakarespandent i dakumientalny fatohraf dy apieratar šmatlikich ukrainskich i mižnarodnych vydańniaŭ, supracoŭničaŭ z ahienctvami Reuters, BBC, TRT World, Associated Press, LB.ua, Hromadske.
Jahonyja fotazdymki publikavali mnohija aŭtarytetnyja ŭ śviecie vydańni.
Žurnalisty padčas rasijskaj vajny va Ukrainie časta pracujuć pad pastajannaj pahrozaj abstrełaŭ i pałonu.
Ukrainskaja hramadskaja arhanizacyja «Instytut masavaj infarmacyi» ad pačatku ahresii Rasii suprać Ukrainy źbiraje fakty złačynstvaŭ rasijskaha vojska suprać žurnalistaŭ. Na 22 sakavika zarehistravana bolš za 100 takich faktaŭ.