Байдэн дапусціў, што Пуцін мог «самаізалявацца», а сваіх некаторых дарадцаў пасадзіць пад хатні арышт
Пра «самаізаляцыю» Пуціна прэзідэнт ЗША сказаў падчас прэс-канферэнцыі ў Белым доме, піша Guardian.
31.03.2022 / 22:35
Джо Байдэн
«Здаецца, ён самаізаляваўся. І ёсць некаторыя прыкметы таго, што ён звольніў або пасадзіў пад хатні арышт некаторых сваіх дарадцаў», — сказаў Байдэн.
Ён таксама заявіў, што няма відавочных доказаў таго, што Пуцін выводзіць расійскія войскі з Украіны.
«Я настроены трохі скептычна — гэта адкрытае пытанне, ці сапраўды ён адступае», — сказаў Байдэн.