Kazachstan nie budzie dapamahać Rasii abychodzić sankcyi i pryznavać Krym z Danbasam
Pieršy namieśnik kiraŭnika Administracyi prezidenta Kazachstana Cimur Sulajmienaŭ u intervju vydańniu Euroactive zajaviŭ, što Kazachstan pavažaje terytaryjalnuju cełasnaść Ukrainy, nie pryznaje ŭvachodžańnie Kryma ŭ skład Rasii i nie maje namieru akazvać Rasii dapamohu ŭ abychodzie zachodnich sankcyj.
01.04.2022 / 19:20
«Kazachstan nie budzie instrumientam dla abychodu sankcyj suprać Rasii z boku ZŠA i Jeŭrasajuza. My budziem vykonvać sankcyi… My budziem praciahvać inviestavać u Rasiju i pryciahvać inviestycyi dla Rasii: pa-inšamu naša ekanomika funkcyjanavać nie moža. Ale my zrobim usio mahčymaje, kab kantralavać sankcyjnyja tavary i lubyja inviestycyi ad asob abo arhanizacyj, jakija znachodziacca pad sankcyjami», — paviedamiŭ Sulajmienaŭ.
Čynoŭnik adznačyŭ taksama:
«Rasija chacieła b, kab my byli na ich baku. Ale Kazachstan pavažaje terytaryjalnuju cełasnaść Ukrainy. My nie pryznavali i nie pryznajem ni situacyju z Krymam, ni situacyju z Danbasam, tamu što ich nie pryznaje AAN. My budziem pryznavać tolki rašeńni, pryniatyja na ŭzroŭni arhanizacyi Abjadnanych Nacyj. <…> U nas niama prablem z tym, kab nazyvać rečy svaimi imionami. Rasija vyrašyła ŭvieści zakon, jaki zabaraniaje słova «vajna». Jany nazyvajuć heta śpiecyjalnaj vajennaj apieracyjaj. Ale ŭ Kazachstanie my heta nazyvajem tak, jak jość, na žal».