Вызначаны спіс краін, якія ажыццяўляюць «недружалюбныя дзеянні» ў дачыненні да Беларусі
Урад Беларусі вызначыў пералік замежных дзяржаў, якія здзяйсняюць несяброўскія дзеянні ў дачыненні да беларускіх юрыдычных або фізічных асоб. Пастанова ад 6 красавіка 2022 года № 209 апублікавана на Нацыянальным прававым інтэрнэт-партале і ўступае ў сілу з дня яго афіцыйнага апублікавання.
08.04.2022 / 07:55
У пералік увайшлі:
- Аўстралійскі Саюз.
- Дзяржавы-члены Еўрапейскага Саюза.
- Канада.
- Княства Ліхтэнштэйн.
- Каралеўства Нарвегія.
- Новая Зеландыя.
- Рэспубліка Албанія.
- Рэспубліка Ісландыя.
- Рэспубліка Паўночная Македонія.
- Злучанае Каралеўства Вялікабрытаніі і Паўночнай Ірландыі.
- Злучаныя Штаты Амерыкі.
- Чарнагорыя.
- Швейцарская Канфедэрацыя.
Раней Лукашэнка сваім указам дазволіў не вяртаць даўгі рэзідэнтам гэтых краін.
Невыкананне сваіх даўгавых абавязацельстваў перад крэдыторамі фактычна лічыцца дэфолтам. А адмова выконваць такія абавязацельствы — тэхнічным дэфолтам, калі даўжнік можа расплаціцца, але не хоча гэтага рабіць.