У Дзярждуме заклікалі не купляць нарэзаны сыр і каўбасу
Дэпутат Дзярждумы Сяргей Лісоўскі асудзіў пакупнікоў за прыхільнасць да гатовай нарэзкі і адзначыў, што ў Расіі вырабляецца занадта шмат непатрэбнай і дарагой упакоўкі.
14.04.2022 / 07:52
Акрамя таго, Лісоўскі выказаў меркаванне, што нават абгорнутыя ў плёнку прадукты ўсё роўна псуюцца, як, напрыклад, каўбаса.
«А вось гэтая нарэзка? Мы што, бязрукія, ці што, не можам нарэзаць сабе сыру?» — сказаў Лісоўскі.
Таксама дэпутат сумняваецца ў неабходнасці пастаўляць напоі з трубачкамі, бо яны не выратуюць ад бруду і інфекцый. «Навошта гэтая трубачка? А мы ўсіх напружваем, каб яна была. У нас вельмі вялікія выдаткі на ўпакоўку, якая не патрэбная», — заявіў Лісоўскі.