Ukraincy likvidavali na Danbasie viadomaha palavoha kamandzira z «ŁNR»
Ukrainskija vajskoŭcy źniščyli na Danbasie viadomaha palavoha kamandzira z «ŁNR». Heta kamandzir adnaho z bataljonaŭ, padpałkoŭnik Michaił Kiščyk, bolš viadomy jak «Miša Čačen».
19.04.2022 / 18:52
Michaił Kiščyk-«Čačen». Fota: Facebook
U karotkim niekrałohu, jaki napisaŭ kiraŭnik «urada ŁNR» Siarhiej Kazłoŭ, paviedamlajecca, što «Čačen» trapiŭ u akružeńnie pad Kramianoj na zachadzie Łuhanskaj vobłaści, dzie napiaredadni išli žorstkija bai.
Kiščyk-«Čačen» atrymaŭ viadomaść u 2014 hodzie, kali ŭznačaliŭ adzin z kazačych bataljonaŭ, jakija vajavali na baku samaabvieščanaj «ŁNR». Jahonaje padraździaleńnie nieadnarazova abvinavačvali ŭ maradziorstvie na tych terytoryjach, jakija bataljon zajmaŭ.
U 2016 hodzie, kali situacyja ŭ Danbasie była adnosna stabilnaj, «Novaja hazieta» ŭ svaim rasśledavańni nazyvała Kiščyka adnym z arhanizataraŭ šerych schiemaŭ pa pastaŭkach kantrabandy praź liniju sudakranańnia.