Šarl Mišel: Jeŭrasajuz vydzieliŭ 1,5 młrd jeŭra na zakupki ciažkich uzbrajeńniaŭ dla Ukrainy. I vykanaje svaje abiacańni
Kiraŭnik Jeŭrapiejskaj rady Šarl Mišel, jaki dniami pabyvaŭ ź vizitam u Kijevie, paviedamiŭ, što krainy Jeŭrasajuza z pačatku rasijskaha ŭvarvańnia va Ukrainu vydzielili 1,5 młrd jeŭra na zakupki ciažkich uzbrajeńniaŭ — dla biazvypłatnaj pieradačy Ukrainie.
21.04.2022 / 23:38
Šarl Mišel. Skrynšot ź videa
Pa słovach Mišela, takoje pahadnieńnie było zaklučana nieŭzabavie paśla pačatku ŭvarvańnia, choć dasiahnuć jaho akazałasia niaprosta z-za adroźnieńniaŭ u pazicyjach šerahu krain.
«Nam nieabchodna pastaŭlać vam zbroju. Pa mierkavańniach biaśpieki pra heta budzie niašmat navin, ale my vykanajem svaje abiacańni», — skazaŭ Šarl Mišel u intervju ukrainskim žurnalistam.
U chodzie pajezdki ŭ Kijeŭ jon pravioŭ pieramovy z prezidentam Ukrainy Uładzimiram Zialenski, paviedamiŭšy, što 5 traŭnia z kanfierencyi finansavych donaraŭ pačniecca isnavańnie Fondu salidarnaści z Ukrainaj — dla zboru srodkaŭ na adnaŭleńnie krainy.
Pa słovach Uładzimira Zialenskaha, škoda, naniesienaja rasijskim uvarvańniem, užo ciapier takaja, što Ukrainie dla adnaŭleńnia spatrebicca pa 7 młrd dalaraŭ u miesiac.