У Францыі пачалося галасаванне ў другім туры прэзідэнцкіх выбараў
На ўсёй тэрыторыі краіны адкрылася 70 тысяч выбарчых участкаў.
24.04.2022 / 10:51
За пасаду кіраўніка дзяржавы змагаюцца прэзідэнт Эмануэль Макрон і лідарка «Нацыянальнага аб'яднання» Марын Лё Пэн.
Па выніках першага тура Макрон набраў 27,84% галасоў, а Лё Пэн —23,15%.
Апытанні Le Monde прадказваюць перамогу Макрона — 56,5% на 43,5%, але шэраг экспертаў лічыць, што сітуацыя можа памяняцца. Першыя вынікі стануць вядомыя ўжо вечарам.