Unutranym vojskam dazvolać stralać pa demanstrantach z bajavoj zbroi
Pałata pradstaŭnikoŭ pryniała ŭ druhim čytańni zakonaprajekt, jaki pašyraje paŭnamoctvy ŭnutranych vojskaŭ.
27.04.2022 / 12:54
Jak paviedamlaje BiełTA, unutranyja vojski zmohuć prymianiać bajavuju i śpiecyjalnuju techniku dla spynieńnia masavych biesparadkaŭ i hrupavych parušeńniaŭ hramadskaha paradku albo dziejańniaŭ, nakiravanych na razbureńnie abo źniščeńnie majomaści ŭsich formaŭ ułasnaści.
Vajskoŭcy UV nadzialajucca pravam na prymianieńnie zbroi ŭ dačynieńni da asob, jakija ŭdzielničajuć u hrupavym abo ŭzbrojenym napadzie na vajskovy narad ci karavulnaje pamiaškańnie, jakija sprabujuć niezakonna prakraścisia na terytoryju abjektaŭ, što achoŭvajucca, abo źbiehčy paśla takoj sproby.
Asnoŭnymi zadačami ŭnutranych vojskaŭ pryznajucca ŭdzieł u achovie hramadskaha paradku, zabieśpiačeńni hramadskaj biaśpieki, biaśpieki achoŭvajemych asobaŭ i achoŭnych abjektaŭ, režymu nadzvyčajnaha stanovišča, vajennaha stanovišča, pravavoha režymu ŭ zonie praviadzieńnia kontrterarystyčnaj apieracyi, mierapryjemstvach pa ŭzmacnieńni dziaržaŭnaj miažy.