Рэцэпт для пікніка на выхадныя. Курыны шашлык па-хуткаму
У гэтага рэцэпта шмат добрых якасцей: ён і просты, і хуткі, і вельмі гнуткі. Вы можаце замяніць карыяндр у рэцэпце на іншыя травы — такія, якія вам падабаюцца. Шашлык падавайце з зелянінай і з лавашом.
30.04.2022 / 08:58
Фота: BBC Food
Каб зрабіць курыны шашлык, вам спатрэбіцца:
- 3 сталовыя лыжкі ёгурту са зніжанай тлустасцю
- чайная лыжка гарам масалы ці кары
- чайная лыжка молатага чырвонага перца
- 2 чайныя лыжкі соку лімона ці лайма
- 2 чайныя лыжкі свежай парубленай каляндры (па жаданні)
- 1 дробна пасечаны свежы перац чылі (па жаданні)
- 4 курыныя грудкі вагай па 150 грамаў, парэзаныя на квадратныя кавалкі
- Змяшайце разам ёгурт, гарам масалу, чырвоны перац, сок лімона, каляндру і перац чылі. Марынуйце кураціну ў гэтай сумесі 5 хвілін.
- Разагрэйце жароўню для барбекю да гарачага стану (таксама гэтую кураціну можна рабіць на гарачым грылі).
- Мяса гатуйце на жароўні на шампурах ці шпажках, пакуль кураціна не стане мяккай і цалкам прасмажанай.
- Падавайце з зелянінай і лавашом.