Adzinaroska pryjšła na cyrymoniju pamiaci Čarnobyla ŭ sukiency z nadpisam Party
Nichto z prysutnych na cyrymonii ŭ Biełharadskaj vobłaści nie zrabiŭ joj zaŭvahi pra niedarečnaść, ale fota raźlaciełasia pa siecivie.
29.04.2022 / 13:42
Funkcyjanierka partyi «Adzinaja Rasija» ŭ Biełharadskaj vobłaści Halina Šapavałava pryjšła na cyrymoniju pamiaci achviar Čarnobyla ŭ sukiency z nadpisam Party. Pa-anhlijsku hetaje słova aznačaje «viečarynka», «viasiołaja tusoŭka».
Abłasnoje addzialeńnie partyi pasprabavała patłumačyć vybar sukienki Halinaj Šapavałavaj, ale tolki vyklikała jašče bolš kpinaŭ.
«Budučy dypłamavanaj śpiecyjalistkaj u halinie zamiežnych moŭ, sakratar paličyła, što hety nadpis aznačaje słova «partyja», tamu i zrabiła vybar na karyść hetaha ŭboru», — havorycca ŭ paviedamleńni biełharadskich adzinarosaŭ.