Brytanski ekśpiert: Rasijskaj armii chopić tolki na niekalki tydniaŭ, a Zachad razumieje, što Pucin blefuje ź jadziernaj zbrojaj
Rasijski nastup u Danbasie, miarkujučy pa ŭsim, zachłynuŭsia, i bitva za rehijon skončycca praz dva-čatyry tydni, śćviardžaje brytanski vajenny ekśpiert. «Pa sutnaści, u ruskich skončacca vojski, i ŭkraincy ŭžo rychtujucca kontratakavać», — kaža navukovy supracoŭnik łondanskaha Karaleŭskaha kaledža pa vyvučeńni vajny Majk Marcin.
29.04.2022 / 19:34
Rasijskaja vajskovaja kałona ruchajecca pa šašy ŭ rajonie Maryupala. 16 krasavika 2022 hoda. Fota: AP Photo/Alexei Alexandrov
Na jahonuju dumku, rasijanie ŭžo stracili svoj adziny šaniec zachapić rehijon.»
Jany vyvieli ŭsie hetyja patrapanyja čaści z Kijeva, a zatym pasprabavali pierafarmavać ich dla bajavych dziejańniaŭ na ŭschodzie», — tłumačyć jon. Ale hetyja čaści mocna paciarpieli ŭ bajach za ŭkrainskuju stalicu, a Rasii nie ŭdałosia ich umacavać i ździejśnić jaki-niebudź rašučy manieŭr.
Marcin kaža, što zajava Vialikabrytanii ab tym, što ciapier meta zachodniaj dapamohi Ukrainie — vycisnuć rasijskija vojski z usioj terytoryi krainy, uklučajučy Krym, aznačaje surjozny stratehičny zruch.
Pry hetym ekśpiert ličyć, što ministr zamiežnych spraŭ Vialikabrytanii Liz Tras nie mieła racyi, skazaŭšy, što na heta moža spatrebicca 10 hadoŭ. Pa jaho acency, rasijskija siły razvalacca da hetaha, i, mahčyma, my ŭbačym pieravarot u Rasii.
Vydzialeńnie Vašynhtonam Ukrainie 33 młrd dalaraŭ — heta vielmi vyrazny sihnał ab namierach, ličyć Marcin.
Na dumku ekśpierta, heta taksama aznačaje, što NATA i ZŠA pryjšli da vysnovy, što Uładzimir Pucin blefuje, pahražajučy prymianieńniem jadziernaj zbroi ŭ vypadku, kali NATA padymie staŭki ŭ hetym supraćstajańni.