Лукашэнка павіншаваў генсека ААН з днём народзінаў, нагадаўшы аб неўмяшальніцтве ва ўнутраныя справы
Лукашэнка таксама выказаў упэўненасць, што пад кіраўніцтвам Гутэрыша ААН здолее «аднавіць рэпутацыю вядучай міжнароднай арганізацыі і эксперта ў вырашэнні сучасных глабальных праблем».
30.04.2022 / 10:41
Аляксандр Лукашэнка павіншаваў генеральнага сакратара ААН Антоніу Гутэрыша з днём народзінаў. У віншаванні ён нагадаў аб неўмяшальніцтве ва ўнутраныя справы, падкрэсліўшы, што Беларусь застаецца прыхільніцай мэтаў ААН.
«Рэспубліка Беларусь застаецца прыхільнай да мэтаў дзейнасці Арганізацыі, дэманструючы рашучасць у найважнейшых пытаннях забеспячэння міру і бяспекі. Асаблівае значэнне пры гэтым Мінск надае супрацоўніцтву з ААН і краінамі-сябрамі на аснове ўзаемнай павагі і даверу з захаваннем прынцыпаў суверэнітэту і неўмяшальніцтва ва ўнутраныя справы», — гаворыцца ў пасланні.